نهايه تحدي 29 يوم
هلااااو
اني علي عراقي اعتيادي
لا اني غني ولا اني فقير نكدر نكول متوسط الحال اوكي
عندي عشق للتكنلوجيا من انا وصغير واول مره دخلت للنت اتذكر اهلي جابولي تابلت صيني نضامه اندرويد
جنت كلشي ما اعرف رحت لابو تلفونات كتله نزلي العاب كلي 15 لعبه ب5 الف دينار عراقي المهم نزلي
ومليت منهن بعد فتره كمت امسحهن حته انزل جديدات بس بهل اثناء اني جنت اهبش بل تابلت وبتهبيشه من تهبيشاتي
طبيت على الواي فاي وكدرت ادخل لشبكه جيراني وجنت اصيح للوايفاي ازموز بعدها طبيت وكمت
اعرف اسوي حساب كوكل وفتحت متجر التطبيقات وكمت انزل وبعدها صرت دكتور الهواتف مال العائله
المهم بعد 5 سنوات من هاي التهبيشات
لكفت كلمه برمجه وقررت ابحث عنها وشفتها عالم كامل وحبيته كلش طبيت برمجه ويب ومليت لان ردت شي اكبر
ومستقبله اكبر ف قررت اطب ادرس ذكاء اصطناعي
اول شهر دراسه جانت بي رياضيات وخوارزميات
الشهر الثاني جان لغه برمجيه الي هي بايثون وحاليا بقى اقل من 30 فديو
خلال الشهر الثاني شفت تحدي 29 يوم من مرتضى التميمي
وشاركت بي الصراحه جان كلش حلو لان حسيت روحي موضف ولازم انجز عملي وبكل اتقان ف اخذت الفديوهات مال البايثون مو مجرد فديو وتشوفه وتعبر على الي وراه
لا جان الفديو ابو30 دقيقه يطول ساعه عنددي لان جنت اكتب الكود واغير بي تغيرات واخربه واحلهه
وبعد هاي المده كلها من يوم التابلت لليوم صرت اكدر ابرمج اله حاسبه الكترونيه
واهاي ابسط شي حاليا
بهذا المستوى البسيط وصلت لاكن هذه بدايه الطريق وحاليا بدايه التعامل مع البيانات والذكاء الاصطناعي
اما بلنسبه للتحدي كان رائع وبلنسبه لاهم شي المجتمع الي موجود كلهم ايجابين وينجزون اشياء هم قرروا ينجزوها ويتعلموها من حبهم الها حبيت الفكره كثير حبيت شغله الايميلات لان كلش مهم بلحياه الي هو البريد
وحبيت سالفه التقارير لان جانت مثل المعلم والطالب لازم تحرز تقدم حقيقي حته تراويه لاستاذك وبيوم الي ما احرز اي تقدم احس نفسي ذاك الطالب الكسلان الي عمره مراح ينجح
حبيت نفسي لان ساعدتني ان اسهر الليل حته ادرس
لان ساعدتني حته ارفع من قيمتي بنفسي ودون مساعده اي شخص
حبيت جو الاستمرار
حبيت جو الحياه من تكون مشغول وعندك شغل لازم تنجزه وتسلمه
لو انت موظف اريدك تقارن حياتك هسه مع نفسك من كنت مراهق لاكن حياتك عباره عن اكل ونوم فقط
طموحي كبير اكبر من سفره لتركيا لمده اسبوع واكثر من هواي اشياء طموحي اوصل لمنايبع العلم في مجالي الي انا عشقته وقررت اتعلمه الحياه رسمت مساري منذ ان امتلكت اول
جهز الكتروني التابلت الطريق طويل وانا لسه في بدايته اتأمل ابقى مستمر على هل طريق
بلنهايه
شكرا مرتظى لان كدرت تكون ذكرا ايجابيه معنا
شكرا للبنيه الي من مجتمع التحدي للأسف ما اتذكر اسمها اني كلش اسف لان اول 5 ايام بلتحدي مكدرت اسوي كلشي لان كنت مكتئب
دخلت للمجتمع وكلت اريد تحفيز
كالتي ينرادلك رزاله هههه وستلمتني ومن يومها كل ما اريد اخفق اتذكر كلماتها الابويه كانت اجمل كلمات بلنسبه الي شكرا من القلب
شكرا لك عضو خلف هذا الحدي الرائع
انشالله مستمر ونشوف الحياه شنو ضامه النه
تحياتي علي بن اسامه
تعليقات
إرسال تعليق