تحدي 29 يوم برمجه \ اليوم رقم 20
يااااا هلا بلعرب
اني علي اسامه وهاي مدوونتي تتكام عن رحله ال29 يوم حته اتعلم برمجه الذكاء الاصطناعي
وصلت لليوم رقم 20 حسولف شوي عن الي كدرت احققه
بدايتا جان الهدف اخلص 100 فديو ب29 يوم بمعدل 5-3 فديوهات يوميا المهم اليوم وصلت الى 43% من هذا للهدف وكدرت اخلص اساسيات لغه python الجميله
باخر بلوك نزلته الي هو قبل 10 ايام جنت واصل بس
15%
اليوم وصلت الى
%43
اعتمادي بلمنهج جان كله على منصه اليوتيوب ومن خلال هذه الدوره الرائعه كلش استفاديت
كدرت افرغ نفسي هل 10 ايام وكمت ادرس بجد 4 الى 5 ساعات يوميا
انا راضي عن التقدم الذي حققته مقارنتا بلجهد الذي وضعته لاكن الطموح اعلى
تعلمت شي واحد بس من هذا التحدي
ولي هو الوقت رايح رايح وخلصان منك وانت متكدر توكفه وتجمعه وتحبسه بخزنه وتستخدمه شوكت ما تريده ف لازم تستثمره باغلى شي بلعالم الي هو العلم والمعلومه
لو اجتمع عليك العالم كله لتجريدك من الي تملكه حياخذون كلشي فلوسك عقارك واصدقائك اهلك لاكن مراح يكدرون ياخذون العلم الي بعقلك
بلنسبه لمشاعري خلال هذا التحدي ياخي احس روحي متزوج وعندي التزامات ومستمتع كلش والانجازات الي احققها مثلا الكود الي اكتبه احسه ابني هاي مشاعري بكل صدق
تفاجئت من كميه المعلومات الي كدرت اعرف عنها واتعلمها خلال بس 10 ايام تعلمت اساسيات لغه مستقبل
بلنسبه لهدفي ما اتصور حكدر اخلص اكثر من 50 فديو في 10 ايام لان الجاي يحجي بس عن المكاتب لاذالك اريد استفاد منها مو بس اخلصها وبس حتكون مرحله متقدمه من الغه الهدف الجديد خلال هاي ال9 ايام الجايه هو اخلص مكتبتين بل بايثون الي همه
numpy
pandas
مجموعهم 30 فديو
الخطه حتكون نفسها 3-5 فديو يوميا
ماكو اي تعديل الها
وفي الختام انا ممتن
الى الانترنيت الي كدرت من خلاله اعرف مرتضى التميمي واشارك بهيج تحدي
وممتن للعلم الي موجود بكل مكان حولنا لاكن نحن هاملي اتمنى العالم العرب يكون مهتم للعلم اكثر من التفاهه الي موجوده
هذي بعض الصور خلال الرحله وانتضروا فلم وثائقي عن هذا التحدي
تعليقات
إرسال تعليق